Romnia. Rromane Džuvlja kotar Huesca si dokumentarno filmo vaš e Rromane džuvlja kotar Uprunečačunerigeski Espania, kerdino kotar Pablo Vega, filmengo režisero savo so si but laches prendžardo.
I transparencija thaj o vužipe si e khetanutne denominatorura an kodo projekto. Sikavindoj participativno tehnika, o Vega dičola pes anglal I kamera, vakerindoj kaj vov si Gitano thaj sar režisero thaj dokumentarno filmosko producento, kolesar ulas vi jekh aktero ande filmo. Vov laches džanela o pharo drom pe korkorutno-reprezentiribe, thaj kodoleske, kerel klarifikacija pe filmosko cilo thaj vi vaš targetirimi audiencija. Vovo phenal kaj, ‘Kodo dokumentarno filmo si vaš kadala Rroma so si hasarde sar so vi phenel kodo termino/vorba/alav.’
Pe jekh vrama, sar so o Vega dela eksplanacija, olestar o Fundación Secretariado Gitano rodijas te kerel kodo dokumentarno cilosar, te sikavel e Rromane džuvlengi situacija savi so phagel e tradicionalno sterotipon thaj kodolesar buhljarela e perspective ko dominantno pharni komuniteta.
O insistiribe kaj trubuj treningo phenel pes vi jekhvar, vi jekhvar, kotar e but intervjuirime manuša, savo so phenen kaj o Rromano identiteto či trubuj te ovel mamuj kodo te ovel nekas edukacija.
E dokumentarno filmoskere protagonistura si Vanesa, biknela ande bolta, Pitu agordijas Pedagogija, Sara, fiškatori/advokato thaj regionallno koordinatoro ande Fondacija, thaj Adelina, avguni Rromani sičarni savi so lijas Sumnakuno Medalo vaš laki Buči so kerel. Kombinirindoj e intervjuen e džuvlencar thaj olengere dadencar vi dejencar, vi an lengere khera vi an lengere bučarne thana (bolta vaj ofiso), o režiseri kerel profesionalno profile vaš leskere akterura, bizi te bistrel i intima so dela pes kotar e familijako trujalipe thaj andre maškar e familijakere membrura.
I transparencija e Vega-ske si definiribaskiri karakteristika. Vov majangle phučela thaj te šunel palpale pe leskere phučipena vi na anela e kamera paše dži pe akterongere muja, kodolesar mangindoj te kerel prevencija pe savi te ovel subjektivno projekcija upral e aktoreni reprezentacija.
O dokumentarno filmo sasa sikavdino pe filmongi serija O Dikhipen, Rroma ano Filmo, organizirimo kotar e Espanijaki Filmongi Arhiva ko 2010-to berš.