E Sam Roma/Amen sam Gypsies (2014) džala pala e dokumentirimi tradicija so, si paše numa naj jekhe filmeja, Pe foreski periferija, kote so objektivno prezentirinela pes savi si i situacija e Grecisko Romencar. Kodo si lačhe menadžirimo soske mukela pes o korkorutno vorbisaripe, i Marina Daneziski si paše pangli e dokumentarno filmosar kova si vazdimo upral e narativija kola so korkori e Roma mothovena pala peste, deindoj deskripcija pe sa e aspektora ko olengero kulturno thaj socijalno trajo, pe olengeri historija pe sa kodo so džanena. Mothovibaja o glavno stilo si kombinirimo varesave fotografijengo dromesar pala so e manuša si čhuvde ko olengero korkorutno mileniumo. Von si sikavde sar kerena peske divesekere aktivitetija, andre ko olengere khera sar vi pe publičhno thana, ko kafe khera thaj pe vulice, kerindoj buti ko olengere kuhinje, bešindoj pe olengere grasta, khelibaja khana si religiozno vaj familijake bare divesa. Akate lela pes gasavo metodo te del šaipe e muršenge thaj e džuvlenge te mothoven olengere nekanutne thaj akanutne praktike te phenen olengere specijalno karakteristike pala olengero identiteto sar manuša. Von recitirinena/mothovena olengere phurane paramisa sar avile e Roma save si olengere prakatike, mothovena sar ačhile dživde thaj sar vazdije olengere kulturake specifike, vorbin so si misterija thaj sar phenana mišto avilen sa e avere manušenge khana kerena vizita ko olengere khera, o Romano solidariteto, o Romano “dživdipasko stilo”, muzika,khelibe, grastengo thaj dživinengo arakhibe, palmako drabariba thaj aver. Sar so phenel jekh olendar, e Roma si bijande te oven čhorore, numa vi dureder si godžaver thaj pakivales nakaven o čhororipa. Kotar e jekh rig, e manuša so vorbin na našen kotar peski korkorutni – mistifikacija, so si naturalno thaj fundamentalno khana kreirinel pes i korkorutni mitologija thaj o političko identiteto. Ko akava kejso, von sikavena pes sar naturalno bijande kino-bikinipaske manuša vaj pale si dost godžaver, vi pala adava so naj len edukacija vi dureder keren legaren lačhe biznisora. Akava si jekh tipo pala e kulturako barvalipe, vaj barvalipe so džala kotar jekh pe aver generacija. Thaj kotar e aver rig, e socijalno problemora thaj o harno socijalno statuso si definitivno ko olengero trajo kova so šaj te ovel mothovdo buteder rigendar, e došalipa pala i naedukacija, finasisko kriza, numa majbut o došalipe si kotar e političhko interesija pala e Romane žertve thaj olengere čhuvipe andre ko stereotipno fremo/tasviri. Akaja političhko influensa anela diskriminacija ja pale “crdipe pe rig,” sar so jekh olendar mothovela pala akaja situacija. Vi pala sa akale pharipa, ko filmo Amen Sam Roma e džene kotar e Romani komuniteta mujin lošale, len sama pe peste, olen naj len griža. Tavdena sar paj e problemoncar, paralelno e pajeskere glasosar sar so legaren olen, ko pikture, pe Danezijesko filmo, kova sar so varekana anela ulavibe a varekana khedibe, vi da jekhvar si sinhronizirime. Sam Roma džala pala e dokumentirimi tradicija, sar te phenas ko filmo Pe foreski periferija, kote so sikavela pes i objektivno situacija pe Grecijake Roma, soske len isi šaipe korkori te mothoven pala peste.

The Wandering Kings of the Road are a steady part of human geography, sometimes living slightly outside the law and social acceptance. Greek Roma people love dancing and singing, know how to throw parties and fairs, whereas they scrupulously respect the traditions of their tribe. Survival is an everyday challenge for them with the lack of education forcing them to use their brains more, but it also enticing them into breaking the law.By travelling to their neighborhoods and communities in Attica, Argolida and Ilia we succeeded in entering their previously inaccessible world. Roma people welcome us into their lives, keeping their heart warm and wide open.