Amari primarno/avgini vizija andre ki Khelipaskeri Sekcija kotar e RomArchivo si te sikaven pes e javerchandipa pe tradicije, inovacije thaj e efektora pe Romano Khelipa ki sasti Luma. Amaro konteksto naj pe kodo te ovas komperhensivno/buvle vash o Romano Khelibe, numa buteder te ovas sar khedin pe cikneder kolekcije kola so ka den shajdipe o manush so ginavel te reslajrel bareder haljovipe pe varijacije vash e Romano Khelibe te oven funda sar avgo punkto vash e dureder rodipa thaj arakhiba. O selektirimo konteksto vash i arhiva dela baro spektrumo pe artefaktora kote so si chuvde e digitalizirime filmora thaj fotogravsko materijalo, artistikane pikture, tancoske notacije, tekstura sar vi materijalora kerde specijalno vash e arhiva.
Kuririmo kotar o Isaac Blake
Botoló (Stick Dance) Tf.4963
László Maácz | Botoló (Stick Dance) Tf.4963 | fotografija | Ungriko | 1957 | dan_00075 Rights held by: László Maácz (artwork) / Research Centre for the Humanities – Hungarian Academy of Science (scan) | Licensed under: Rights of Use (scan) | Provided by: Research Centre for the Humanities – Hungarian Academy of Science (Budapest/Hungary)
Amari resarin vash i selekcija pe kotora/bucha ki Sekcija pe Khelibe dela punkto pe korkorutno sikavibe trujal o sasto drom. Akava si khetane e senzitivno dekonstrukcijaja pe mitora vi stereotipija kola so dzana trujal mashkar i Romani komuniteta. Bare samaja si khedime thaj selektirime e kolekcije kola so sikavena o Romano tanco/kheliba pe lokalno, nacionalno thaj internacionalno nivelo, sar vi e korkorutne inter-konekcije mashkar olende. Amare serije kotar e kolekcije prezentirinena buteder nivelesko konteksto/arakhibe andre/savi so resljarela thaj ucharela festivalora, artistikane kotora, hramome kotora, pikture, khelibaskere khedina, artistoren thaj filmora. Akava multi-niveleskero resljaribe pe materijalora kerela lokeder e materijalengo haljovipe pe Romano khelibaski/Tanceski historija dikhle trujal e jakha kotar e Romane artistora thaj khelutne kola so phenana javutne peskero badanesko dzanibe savo trajil ko badani reflektuirimo trujal e javechande stilora ko Romano khelibe.
Romane performera/aktera; specijalno e khelavutne, kerena sine atrakcijako javutne khedina vazdindoj imaginacije pe sa e thana kaj so tradena sas. Shaj te dikas sar kodola efektora /influense avile buvleder ko Horahane, Rusisko thaj Espanijako khelibe, sar o kheliba/o tanco andas averipa pe buteder javera kulture. Si vuzheste simumularno bukja mashkar e buteder khelipa so vi dureder si atrakcija mashakr e manusha so dikhen olen/mashkar i publika/kote si chuvde e rotacije, o kheliba specijalno kelela pes e phundrencar thaj olengere khuvipaja pe phuv, o kelibe e bokorencar si phagere kelela pes thaj e vastencar vi e pikencar. Ko akala egzamplija, o vazdipe thaj o efekto kotar e Romano Tanco kerdino si trujal artistikani forma. Vi kodo so si baro o efekto kotar o Romano Tanco, achovena but hari detalno informacije vash e manusha kola kerde thaj sine andreki akaja buti. Akava si doshalipe kotar e lungo tha bari buvleste kerdini diskriminacija, kote so i kerdini asimilacija vaj palem agitacija prezentirinena e Romen buvleder kaj len naj than ko nacionalno kulturno narativija.
E historisko thaj e kontinuirime daravipen pe kulturako identiteto thaj barvalipe dije bilacho efekto mashkar e Romane artistora thaj performera/akterija ma te keren publichno peski identifikacija sar Roma; o rezultato kotar sa kodo si kulturalno izolacija so prezentirinela dureder pharipena khana kerela pes rodipe thaj khana kamel pesarhiviribe/khedipe ko jekh than relevantno kotora katar e kerdini buti, pemanusha thaj materijalora. I Sekcija pe Tanco kotar e RomArchiva mangljas te phagjavel akala bariere te shaj te arakhel baravle karakterija, performance, thaj materijalora kotar e nakhli vrama thaj akana peakava momento so si te shaj dureder te lacharel pes amaro haljoviba vash e Roma thaj amaro than ki Luma.
Rights held by: Rosamaria E. Kostic Cisneros (text) — Sarita Jasarova (translation) | Licensed by: Rosamaria E. Kostic Cisneros (text) — Sarita Jasarova (translation) | Licensed under: CC-BY-NC 3.0 Germany | Provided by: RomArchive