Ane adjivesutni vrjama, i literatura e Romendji ane Rusija thaj ane demultuni USSR sikadol samo retko ane forma štampirime knjigendji. Godolese vi but džangle, vi but neve Romendje autorura thaj autorke aktivno fajdin o interneto.
Digitalno literatura ane Rusija
Po eksemplo, o Nikolay Vasilevsky, jek romano poeto thaj autoro katar Kaliningrado, ćerda piri privatno internetosi vebsajto; dikh http://romvasilevskiy.com/. romane autorura thaj autorke generalno sa maj but cenin »Going digital« ›o digitalno drom‹.
Romane autorura thaj autorke formirin profilura thaj khetanimata ane socialni mrjaže. Lendje buća aven publicirime pe literaće vebsajtura thaj blogura, sar, po eksemplo www.proza.ru thaj www.stihi.ru., sae si but cenime ano rusicko interneto.
Jekh maškar gola, sae prezentirin pire buća ane onlajnosi forma, si, po eksemplo, o Pjotr Demeter, jek Romano musičari, poeto thaj dramengo autoro, sao si prezentno ano interneto tala https://www.proza.ru/avtor/pdemetr thaj https://www.stihi.ru/avtor/pdemetr.
O Eduard Rom-Mikhaylov si jek Romengo poeto katar o foro Petersburg: http://www.stihi.ru/avtor/romcorchi
O Arman Tsybulsky, jek Romengo poeto katar i Ukrajina, sao si aktivno ane romane blogura, araćhel-pe tala https://vk.com/armantsybulsky thaj http://www.stihi.ru/avtor/arman777).
I Olga Ivanova-Bondar, saji si šerutni katar jek transbaikalicko organizacija e Romendji, si prezentno tala https://proza.ru/avtor/faunachita.
O kethanipe ROMANE$$.RU (https://vk.com/romanessite) prezentiril diverzni informacije pe sama e Romendje autorondji thaj poetondji, thaj thol ano interneto vi lendje buća. Regularno o kethanipe publiciril vi rusicki translacije katar romani literatura.
Informacije pe sama e literaturaći pe romani čhib sar vi pe sama e Romendje autorondji thaj autorkendji araćhen-pe pe vebsajto katar i organizacija: Федеральная Национально-Культурная Автономия Российских Цыган [Federaljnaja Nacionaljno-Kulturnaja Avtonomija Rossiiskih Cjigan (›Federalno Nacionalno Kulturaći Autonomija e Romendji‹)], thaj katar o Internacionalno društvo pala romane kulturaće džanglimata: https://web.archive.org/web/20170310152849/http://xn--80afhma1aipka1c6c.xn--p1ai/category/ciganskaya-literatura/ thaj http://www.kulturom.ru/literature/.
Rights held by: Ilona Makhotina — Kirill Kozhanov (text) — Melitta Depner (translation) | Licensed by: Ilona Makhotina — Kirill Kozhanov (text) — Melitta Depner (translation) | Licensed under: CC-BY-NC-ND 4.0 International | Provided by: RomArchive