Ande kaća sekcija arakhas thaj ašunas oralno literatura pe řomaji śib anda l’ diferentni thema. Le paramiča, parabole, asamaske paramiča thaj mulengê paramiča snimisajle maškar le bêrš 1965 thaj 2012.
04 Oralno literatura
Le audioskê snimkur sî andaj buhli kolekcija kata o Phonogrammarchiv kataj Austrijaki Akademija pala Nauke pe sama la řomaja kulturaki. Pe kaća sekcija arakhadon vi duj magijakê paramiča kaj ramosardja len la Bulgarijako avtoro thaj sîćaritori Demir Aliev.