Ande Řomengi literatura sî e poezija pe angluno than. Šaj te arakhas moderni thaj tradicijonalni poemur ande sja le řomane varijante thaj ande l’ diferentni nacionalni śiba. Vuni poemur sî koncipirime sar gilja.
01 Poezija
But avtorur, kaj ramosarde moderni poemur, njerisarde ande pengê thema prajzur. Jek desja buhli antologija katar maškar-themutni řomaji poezija, nakhadi pe njamcicko śib, publicirisajli ando bêrš 2018: E knjiga Die Morgendämmerung der Worte. Moderner Poesie-Atlas der Roma und Sinti [E zora le vorbengi. Moderno poezijako atlaso kata l’ Roma thaj kata l’ Sinti] anklisti ka (avrutno linko Die Andere Bibliothek).