He te na has lengero than andro subora zvičajno andro bašavnaskero žanros, lačhes zaperelas andro komunisticko cjelos, hoj te zathoven le džuvľen sar buťakren. Pre agoreste džuvľikano visariben andre vichodno the stredno Evropa the andro Rusiko pre agoreste le 20. šelberš, zaačhelas modelis principa the programa pro ľokariben la buťake perdal o džuvľa. Pašoda o bajipnaskere centra pal o čhavore the poťimen maťersko dovoľenka. O Rusiko buteder kale programendar anďas andre realita, he the na has sa idealno, gondoľinelas pes hoj o džuvľa the o murša bi kerenas buťi avrether na khere the lengeri buťi bi len kerďalas teoretickones ajse iste.

Palomaribnaskero Ungriko priiľas ajse iste principa. Rachindo buťakren pes andro Ungriko upre hazdľas štarvar buteder, andro berš 1948 – 1953. Le džuvľenge kampľas te avel integrimen buteder andro sikhľariben pre savore urovňi, hoj te sikhaven, hoj šaj aven le muršenca pre jekh urovňa. Andro iste berša kamenas le Romen te asimilinel andro Ungriko proletarstvo. Andro suboris Rajko, šaj dikhas kala cjela.

Žikim so o ungrika romane murša-lavatura hine lačhe sikhade andre phundraďi sfera, e buťi le romane džuvľengeri-lavutara hiňi buteder thoďi pre sera. O Romano archivo vašoda skuminel gendrovo dinamika le Rajko suboris the profesionalna romane lavutaren perdal o bašaviben štare dženen so has andro suboris ži andro socialisticko berša: Zsuzsa Horvathovo, so pes prithoďas kijo Rajkó andro 50’ berša; Mariánn Lakatos, so pes prithoďas andro 60’ berša; Erzébet Katona, so pes prithoďas andro 70’ berša; the Edit Németh, so pes prithoďas andro 80’ berša.

Rights held by: Lynn Hooker (text) — Martin Gális — Iveta Kokyová (translation) | Licensed by: Lynn Hooker (text) — Martin Gális — Iveta Kokyová (translation) | Licensed under: CC-BY-NC-ND 4.0 International | Provided by: RomArchive