O orchestros Rajko has zathodo andro berš 1952 sar scenicko folklorno suboris le khelutnenca andre tradicija moisejevskere suboriha andro Rusiko. Anglal le Gyulaha Farkaseha, sthoďas but kotora perdal o terne andro orchestros, has oda modelovo manušano programos.
O Rajko orchestros
O suboris has jekh andal vajkeci strategiji, savenca o ungriko rajaripen andro socijalisticko berša the savoredženenges vakerelas pal o “Romano phučhiben.” Avka istes sar aver le štatostar sponzorimen “romane grupi” andro Ungriko, Rajko kerďas aver phurikano suboriskero tipos perdal e štatno socijalisticko idejologija. E grupa pes odcirdelas le “magyar nóta”, manušengere foroskere giľakere repertoariske, savo pes jekhetaňolas le romane lavutarenca aščal peskeri “feudalisticko-kapitalisticko” čirlatuňiben, sikhavelas “autenticko” gaveskero manušengero bašaviben the klasicka keribena andro ungriko štilos – kerde perdal o romano orchestros. Tiš thoďas le lavutaren pre bina the zaphenďas te del love (so džalas lenge andre žeba) the kavka odphenďas bašaviben pal o skamind. Diňas o love andro sikhaďipen the kerďas, hoj leskere džene te dochuden stredne školi the papira pal e maturita.
The cover of Rajkó Ensemble’s 1964 album, featuring Mariánn Lakatos . Photo credit: Lynn Hooker
Rights held by: Péter Korniss (photo record sleeve) — Qualiton Records (design record sleeve) | Licensed by: Péter Korniss (photo record sleeve) — Hungaroton Records (design record sleeve) | Licensed under: Rights of Use | Provided by: Hungaroton (Budapest/Hungary)Anglal o mariben buteder romane bašavibnaskere fameľiji bičhavenas terne čhaven andro zabavno bašavibnaskero premislos aščal o sikhaviben la fameľijaha the le prindžarutnenca. Andro nevo sistemos, bašavibnaskere školi rozbuchľarde institucijonalno bašavibnaskero bararipen perdal savore – Roma the na roma, čhaja the čhave. Kala školi na šegetinenas dijaripen pal o improvizačno džaniben abo repertoara “Gypsy music”, aľe Rajko Ensemble kerelas soduj the diňas varesave nektalentimen romane lavutaren sar le muršen ta le džuvľen pro bini pal caľi luma.
Rights held by: Lynn Hooker (text) — Martin Gális — Iveta Kokyová (translation) | Licensed by: Lynn Hooker (text) — Martin Gális — Iveta Kokyová (translation) | Licensed under: CC-BY-NC-ND 4.0 International | Provided by: RomArchive