Nanaj nisavi eksplikacia paśe Burt Glinnesqe tasfira save sikaven i parada so kerde and-o berś 1951-to kaj te uʒaren patǐvaça e generalos Douglas MacArthur and-o New York. Nane pharen kaj te siklǒs online so ondilo anda jekh katar-o baredera ćivitenqe parade e vaxtesqe, kerdine te den patǐv jekhe themutne murśesqe savo avel sas palpalem katar-o maripen. E tasfirenqi seleksia si dikhlǒver and-o kujbo/web jekhe but śunde agenciaqo savi mothovel len online e dokumentarone portretençar anda o patriatiko ogǐ e vaxtesqo. Palem, isi jekh tasfir savo phagel avri i seriaqe granice. Kon si akala manuśa? Sosqe sine odothe thaj so kamen sas te aresen? O pućhimata śaj te na vazdinǒn pal akava partikularo kram/rend, ama jekh ćhumuni perel foran and-i godǐ: kaj isi o murśa?
04 Misal Ikonografikone tasfirenqi
Kaj te halǒves e fotografiaqo ćaćipen, manglǒm te te ʒanav o anglidimata, śirdindor katar-o angluno pućhipen. Kon isi akala manuśa? Sar śirdinom miro rodlǎripen, sine man elpin arakhav vareso savo śaj te anel sas man k-o ʒeno savo sas sikavdino. Madikh akava, naśtin arakhlǒm but xurdimata and-o artikle ja avera xainga online thaj na sine man śanca te ʒav te rodav po than, so dina man inspiracia te nakhav anda jekh buter kontekstualizuime ćhand godǎrimasqo. Zumavdǒm te arakhav buteder pala śajutne situacie thaj śirdiom te thovav emfaza p-e miro pućhimata buter aktiv pal-o somtrualimata butum desar pal-o ʒeno: so sine ćaćimasʒě odothe?