Vizuelno artija

O Romano kulturno meśkipe thaj leski centralno ideja vaś o romano moderno arto sas em o efektivno vordon ande e nakhle śtar dekade aśal o rodipe e romane subektivnopenata. E ideja vaś o romano arto śaj lel pe, te phenes, kaj voj si vaś o ‘strategikano esencialisto’ vastnipe (importanipe), thaj voj si ćaće ekh nevi ‘pretencija thaj pozicija’ ando Khamteluno (Western) arto. Voj ekh alav vaś butne ambicije: e ideja vaś o ‘romano arto’ resdel (celil) te resel ka ekh produktivno intervencija ande o imaźinipe thaj (re)prezentacija vaś e roma; voj pakivkerel vaś o romano kreativnipe thaj vaś e molne (preciozne) momentura vaś amaro romano meśkipe; thaj vov si ekh forma vaś kulturno źivdoaćhipe, savo vakjarel kreativneste thaj fundakaneste andral e verver romane pozicije.