Bijamo ande Romani mahala ando čačunerigesko London, e Hancock-eski familija emigririndas ande Kanada ko 1955-to berš rodindoj lačheder dživipe. Sar terno manuš vov iklilas školatar te iranell pes palpale ande Englanda kote so kerelas but buča thaj sasa fascinirimo ktoar oleskere Čačunerigeskere Afrikakerel Kreola amala sosatr sas olen strukturalno pašipe e hemime Englikane-Romane dialektosar.

I studija Sierra Leone Creole so vov hramondas andas les pe nivelo te ovel čačuno student thaj majangle te lel pesky diploma thaj pala kodo vi PhD/Doktorato ande Univerziteto ko London. Pe kodi vrama vov hramonelas vash e English Romani čhib, ko Journal of the Gypsy Lore Society thaj sasa akhardino te del pesky vorba pe akademikane konferencije thaj te džal ande Avguni Lumaki romani Konferencija.

Kote, vov arakhela pes e Vanya de Gila Kochanowsk-esar thaj e Matéo Maximoff-esar, javera Romane hramonde save so kerde pengere publikacije. Ko 1972-to berš džala ande University of Texas ano Austin, thaj ovela internacionalno prindžardo eksperto pe Creole Studie. Kana lijas titular sar profesoro kate, vov phutardes phenelas vaš lesko Romano etniciteto. Vov jekh vrama sasa e Internacionalno Romane Unijako reprezentanto ande Khetanutne Nacije thaj sasa membro ande US Holocaust Memorial Council teli o Prezidento Bill Clinton.

But prendžardo thaj respektirime ko Internacionalno Romano Civilno miškipe, vov publicirindas buteder sar 300 lila thaj artiklura vaš e Roma thaj romani čhib (specifikane vaš Vlax dialekto) thaj kerdas jekh kotar e majbare arhive vaš lila thaj papirura pe Roma.