O Sead Kazanxhiu (bijando ando 14-to juli 1987-to berś, Fier, Albanija) si ekh vizualno artisto kon beśel thaj kerel buki ande Tirana, Albanija. Vov kerda peski diploma ando Farbamakhipe ando o Universiteto vaś Artura ande Tirana (2006-to – 2010 berś). Vov kerel buki em but ande o medium vaś farbamakhipe, thaj leski maj sigutni praktika resli źi ka skulptura, instalacija, video thaj publikane thanenge intervencije.

O Kazanxhiu avel katar ekh familija savi si kataro o romano etnikano minoriteto. Kadala formirisarda leske ćhavorutnipenaske berśa ando Baltez, ekh gav paśal o Fier. Ande e komuna vaś bipriviligirovime pozicija ande ekh nacija – them, kaj si ekh Albanijako romano źeno sas vastno (importatno) faktoro aśal o statuso e Kazanxhiu-sko sar ekh artisto thaj aśal leski kulturno praktika so źi akana. Kaj si vov motivirime katar pesko inklipe (genelogija), identiteto thaj sakodivesutno źivdipe (trajo) e problemura vaś stereotipura, avrićhutipe (ekskluzija), diskriminacija thaj rasizmo line centralno than dujeste i ande leski artistikani thaj i ande leske aktivistikani buki. Thaj kaj del laćho primero vaś civilno źanipe via socialne kampanije, treningura thaj seminarja save thonandre romane ternen, o Kazanxhiu promotiril eksave zorake dorja (relacije) na sade (numa) ande Albanija ama i ande e adivesutni sa maj but segregirime glabalno lumja. Kadava tholandre leski aktivno rolja sar artosko kulturno godidavno (advizoro) ando IRCA – Instituto vaś Romani Kultura ande Albanija.

O Kazanxhiu trada ekh berś ekhe stipendijasa ande e Romani Anglikani Ćhibaki Programa ando o Centralno Europako Universiteto, Budapesta (2011-to berś – 2012 berś). Gathe vov aćhilo maj źanglo e modernone Ungrikane kulturasa thaj e lokalnone problemonenca save si doriphande ka leske peske rodipenaske sfere, thaj vov kotoravilo (participant) ande inicijative save fokusirisarde po arto sar ekh instrumento vaś socialno pharuvipe ande Europa. Vov kuratorisarda ekh śukhsikavipe (ekzibicija) sadindi ka o 90-to berśipe vaś diplomatikane relacije maśkar e Albanija thaj o Ungriko Them, savo sas kerdo ande Albanijaki Ambasada ando o Ungriko Them thaj ando o Ungrikano Ministeriumo vaś Avrutne Bukja ande Budapesta (2012-to berś). Leski buki »Romano Monumento« (2013-to berś), kerdo źikana trada e Kazanxhiu-ski stipendija katar e OSF Romani Inicijativa, si permanento sikavdi ande e bar vaś o Ministerium vaś Socialno Sama thaj Terne ande e Tirana.

Lesko kotorkeripe ando o śou »(Palem)konceptualiziripe vaś o Romano Kontramaripe« (Gjote Instituto, Praga, 2016-to berś) si ekh primero vaś e Kazanxhiu-sko rodipe ande e romani istorija savo rodel thaj sikavel e animatizacija, e deportacija, thaj o murdaripe vaś źene telal e totalitarne reźimura ando e biśto śelberśutni Europa. Oxtone korkorutne (solo) ekzibicijenca dekatar o 2012-to berś (Tirana, Budapest, Bruxelo) thaj bute grupake ekzibicijeca (Tirana, Praga, Byrno, Gjotenburg, Drezden, Krakov, Bukureśt, Nju Orleans), o Kazanxhiu si ekh anagaźirime figura ande e moderno Albanianijaki kulturno scena. Leski pozicija mamujal o bićaćo tretiripe e romane źenenge kerel le vizibilno kaj e rasake stereotipura angleźan te formirin e akanutne lumjake gindura. Leski buki resdel (celil) te laćharel o respekto vaś e komuna savi si zorasa thodini karing e agora vaś e Europutni demokracija.

http://seadkazanxhiu.wixsite.com/visualart

Ekzibicije

2012
MODEL – Central European University, Budapest

2013
ROMA MONUMENT – Ministry of Social Welfare and Youth, Tirana
8 FOR 8 OF APRIL – Albanian National Parliament, Tirana

2014
MY PLACE (VENDIIM) – National Historical Museum, Tirana
MODEL – The European Parliament Main Hall, Brussels

2015
Gipsy Under Erasure – Göteborg International Biennial for Contemporary Art. Extended, Göteborg

2016
PERPETUUM MOBILE – Tulla Culture Center, Tirana
(Re)Conceptualizing Roma Resistance – International Roma Festival Khamoro, Goethe Institute, Prague

source: artist, Marko Stamenkovick